- 57 -

1294, September 29. Schrom.

Ritter Moyko verkauft dem Schulzen Heinrich von Reichenau acht Hufen in Schrom.

In nomine domini amen. Quoniam rerum bene gestarum noticia hominum fide dignorum vigoratur testimoniis, necnon patentibus litterarum elucescit clarius documentis, ego Moyko miles, filius bone memorie Dyrczlai de Bycen, per huius scripti seriem publice recognosco, quod ex mea pura et spontanea voluntate in hereditate bonorum meorum de Sram octo mansos ad plenam et integram dimensionem, prout ibidem in locis tam silvestribus quam campestribus circumferencialiter extenduntur, honesto viro Henrico villico de Rychnowe pro quadringentis marcis minus sedecim marcis usualis ponderis et argenti locandos iure Teuthonico racionabiliter vendidi sub hac forma, quod ydem Henricus villicus eosdem octo mansos in predictis locis eorum silvestribus per annos quinque et in locis campestribus per annos tres a tempore vendicionis huiusmodi cum omnibus pertinenciis, usibus, utilitatibus, fructibus, qui predictis annis durantibus ex inde poterunt percipi ant eciam provenire, sub libertate plena et omnimoda retinebit. Ita dumtaxat quod, postquam libertas eadem fuerit evoluta, septem mansi de predictis octo sicut cetera bona mea michi deservient et ad meum dominium omnino absolute ac libere revertentur, predicto sepe villico, suis successoribus eciam et heredibus universis octavo tantum manso iure proprietatis hereditario ad libertatem perpetuam remanente, hoc proviso et intellecto nichilominus circa tenorem omnium predictorum, quod iidem octo mansi sepius memorati ad omnium et communem ritum vel consuetudinem villa de Rychnowe pertinere debeant temporibus sempiternis et hoc generaliter in causis omnibus et singulis tam ecclesiasticis quam mundanis. In huius rei testimonium presens documentum desuper rite confectum sigilli mei appensione duxi fideliter consignandum. Datum et actum in Sram anno Domini M°.CC°. nonagesimo quarto in die sancti Mychaelis archangeli hiis testibus subnotatis videlicet: Petro de Libnowe, Friderico advocato de Galnowe, Tylone fratre ipsius, Hermanno de Luterbach, Hermanno sculteto de Alberti villa, Wernero Wazcenrode, Nicolao genere ipsius civibus de Monsterberk et aliis multis hominibus fide dignis.

Or. Perg. Das S. fehlt, nur noch Reste von schwarzbraunen Seidenfäden vorhanden.

Codex Diplomaticus Silesiae, hrsg vom Vereine für Geschichte und Alterthum Schlesiens, Bd 10, Urkunden des Kloster Kamenz. Hrsg von Dr Paul Pfotenhauer, Breslau 1881.